Ársreikningur
2017
Skýrsla og áritun forstjóra
Afkoma ÁTVR á árinu 2017 var í samræmi við áætlun ársins. Hagnaður ársins var 1.367 m.kr. Eignir námu 6.343 m.kr, skuldir voru 1.893 m.kr. og eigið fé nam 4.450 m.kr. í árslok 2017. Greiddur var 1.750 m.kr. arður í ríkissjóð.
Áfengi var selt fyrir 27.686 m.kr. með virðisaukaskatti. Sala áfengis í lítrum jókst um 4,8% frá árinu á undan og seldust 21.867 þús. lítrar, þar af var bjórsala 17.188 þús. lítrar.
Sala tóbaks nam 11.473 m.kr. með virðisaukaskatti. ÁTVR innheimtir tóbaksgjald. Gjaldið nam 5.500 m.kr. á árinu 2017 og lækkaði um 30 m.kr frá árinu 2016. Sala vindlinga í magni dróst saman um 9,4%. Sala vindlinga nam 909 þús. kartonum og af vindlum seldust 4.836 þúsund stykki.
Selt magn neftóbaks var 37.641 kg.
Á árinu fengu 738 starfsmenn greidd laun hjá ÁTVR. Margir eru í hlutastarfi. Ársverk voru 334 og hefur þeim fjölgað um 22 frá 2016.
Ný vínbúð var opnuð í Garðabæ á árinu. Unnið var að innréttingu í nýju húsnæði fyrir vínbúðina á Ísafirði. Vínbúðirnar á Höfn Í Hornafirði og á Flúðum voru stækkaðar og innréttingar endurnýjaðar. Á Sauðárkróki var húsnæði vínbúðarinnar klætt að utan og lokið við lóðafrágang. Skipt var um kassaborð í Skeifunni og á Fáskrúðsfirði voru hillur og innréttingar endurnýjaðar.
Lög um gjald af áfengi og tóbaki var breytt í upphafi árs þannig að áfengisgjald var hækkað um 4,7%. Tóbaksgjald var hækkað um 4,7% - 77,2% eftir flokkum.
Forstjóri ÁTVR staðfestir ársreikning fyrirtækisins fyrir árið 2017 með undirritun sinni.
Reykjavík, 27. mars 2018
Ívar J. Arndal, forstjóri
Áritun endurskoðenda
Til ÁTVR
Við höfum endurskoðað meðfylgjandi ársreikning ÁTVR fyrir árið 2017. Ársreikningurinn hefur að geyma skýrslu forstjóra, rekstrarreikning, efnahagsreikning, sjóðstreymisyfirlit, upplýsingar um mikilvægar reikningsskilaaðferðir og aðrar skýringar.
Við staðfestum að samkvæmt okkar bestu vitund eru í skýrslu forstjóra, sem fylgir ársreikningi þessum, veittar þær upplýsingar sem þar ber að veita í samræmi við lög um ársreikninga og koma ekki fram í skýringum.
Það er álit okkar að ársreikningurinn gefi glögga mynd af fjárhagsstöðu ÁTVR 31. desember 2017, afkomu hennar og breytingu á handbæru fé á árinu 2017, í samræmi við lög um ársreikninga.
Grundvöllur fyrir áliti
Endurskoðað var í samræmi við alþjóðlega endurskoðunarstaðla fyrir opinbera aðila. Ábyrgð okkar samkvæmt þeim stöðlum er nánar lýst í kaflanum um ábyrgð endurskoðanda hér á eftir. Við erum óháð ÁTVR og í samræmi við settar siðareglur fyrir endurskoðendur á Íslandi höfum við uppfyllt ákvæði þeirra. Við teljum að við endurskoðunina hafi verið aflað nægilegra og viðeigandi gagna til að undirbyggja álit okkar.
Ábyrgð forstjóra á
ársreikningnum
Forstjóri er ábyrgur fyrir gerð og framsetningu ársreikningsins í samræmi við lög um ársreikninga. Hann er einnig ábyrgur fyrir því innra eftirliti sem nauðsynlegt er varðandi gerð og framsetningu ársreikningsins þannig að hann sé án verulegra annmarka hvort sem er vegna sviksemi eða mistaka.
Við gerð ársreiknings eru stjórn og forstjóri ábyrg fyrir því að meta rekstrarhæfi ÁTVR og setja inn skýringu ef þess er þörf.
Ábyrgð endurskoðenda
á endurskoðun ársreikningsins
Markmið okkar er að afla nægjanlegrar vissu um að ársreikningurinn sé án verulegra annmarka, hvort sem er af völdum sviksemi eða mistaka og að gefa út áritun sem felur í sér álit okkar. Nægjanleg vissa er mikil vissa, en ekki trygging þess að endurskoðun framkvæmd í samræmi við alþjóðlega endurskoðunarstaðla fyrir opinbera aðila muni uppgötva allar verulegar skekkjur séu þær til staðar. Skekkjur geta orðið vegna mistaka eða sviksemi og eru álitnar verulegar ef þær gætu haft áhrif á fjárhagslega ákvarðanatöku notenda ársreikningsins, einar sér eða samanlagðar.
Endurskoðun okkar er í samræmi við alþjóðlega endurskoðunarstaðla fyrir opinbera aðila og hún byggir á faglegri dómgreind og gagnrýni. Við framkvæmum einnig eftirfarandi:
- Greinum og metum hættuna á verulegri skekkju í ársreikningnum, hvort sem er vegna mistaka eða sviksemi, skipuleggjum og framkvæmum endurskoðunaraðgerðir til að bregðast við þeirri hættu og öflum endurskoðunargagna sem eru nægjanleg og viðeigandi til að undirbyggja álit okkar. Hættan á að uppgötva ekki verulega skekkju vegna sviksemi er meiri en að uppgötva ekki skekkju vegna mistaka, þar sem sviksemi getur falið í sér samsæri, fölsun, villandi framsetningu ársreiknings, að einhverju sé viljandi sleppt eða að farið sé fram hjá innri eftirlitsaðgerðum.
- Öflum skilnings á innra eftirliti, sem snertir endurskoðunina í þeim tilgangi að skipuleggja viðeigandi endurskoðunaraðgerðir og kanna hvort það tryggir viðunandi árangur.
- Metum hvort reikningsskilaaðferðir og reikningshaldslegt mat stjórnenda ásamt tengdum skýringum séu viðeigandi.
- Ályktum um notkun stjórnar og forstjóra á forsendunni um rekstrarhæfi og metum á grundvelli endurskoðunarinnar hvort verulegur vafi leiki á rekstrarhæfi eða hvort aðstæður séu til staðar sem gætu valdið verulegum efasemdum um rekstrarhæfi. Ef við teljum að verulegur vafi leiki á rekstrarhæfi ber okkur að vekja sérstaka athygli á viðunandi skýringum ársreikningsins í áritun okkar. Ef slíkar skýringar eru ófullnægjandi þurfum við að víkja frá fyrirvaralausri áritun. Niðurstaða okkar byggir á endurskoðunargögnum sem aflað er fram að dagsetningu áritunar okkar. Engu að síður geta atburðir eða aðstæður í framtíðinni valdið óvissu um rekstarhæfi félagsins.
- Metum í heild sinni hvort ársreikningurinn gefi glögga mynd af undirliggjandi viðskiptum og atburðum, metum framsetningu, uppbyggingu, innihald og þar með taldar skýringar með tilliti til glöggrar myndar.
Við upplýsum stjórnendur um áætlað umfang og tímasetningu
endurskoðunarinnar og mikilvæg atriði sem kunna að koma upp við endurskoðun
okkar þar á meðal verulega annmarka á innra eftirliti.
Ríkisendurskoðun, 27. mars 2018
Sveinn Arason, ríkisendurskoðandi
Óskar Sverrisson, endurskoðandi
Rekstrarreikningur árið 2017
Skýringar | 2017 | 2016 | |
---|---|---|---|
Rekstrartekjur | |||
Sala áfengis | 24.942.443 | 23.646.601 | |
Sala tóbaks | 9.252.443 | 9.335.327 | |
Sala umbúða o.fl. | 80.714 | 76.508 | |
34.275.600 | 33.058.436 | ||
Rekstrargjöld | |||
Vörunotkun | 10 | 29.065.646 | 28.036.913 |
Laun og launatengd gjöld | 11-13 | 2.463.048 | 2.123.712 |
Húsnæðiskostnaður | 582.228 | 547.552 | |
Sölu- og dreifingarkostnaður | 236.761 | 174.128 | |
Stjórnunar- og skrifstofukostnaður | 345.365 | 288.869 | |
Annar rekstrarkostnaður | 35.860 | 45.115 | |
Afskriftir | 15 | 208.226 | 221.741 |
32.937.134 | 31.438.030 | ||
Rekstrarhagnaður | 1.338.466 | 1.620.406 | |
Fjármunatekjur og (fjármagnsgjöld) | 14 | 28.082 | 9.020 |
Hagnaður ársins | 1.366.548 | 1.629.426 | |
Fjárhæðir eru í þúsundum króna
Efnahagsreikningur 31. desember 2017
Skýringar | 2017 | 2016 | |
---|---|---|---|
Eignir | |||
Rekstrarfjármunir | 4, 15 | 1.231.450 | 1.158.329 |
Eignarhlutir í öðrum félögum | 5, 16 | 7.500 | 7.500 |
Fastafjármunir samtals | 1.238.950 | 1.165.829 | |
Birgðir | 6, 17 | 2.002.246 | 2.114.426 |
Viðskiptakröfur | 7, 18 | 1.728.890 | 1.704.020 |
Handbært fé | 8 | 1.372.613 | 1.953.394 |
Veltufjármunir samtals | 5.103.749 | 5.771.840 | |
Eignir samtals | 6.342.699 | 6.937.669 | |
Eigið fé og skuldir | |||
Eigið fé | |||
Óráðstafað eigið fé | 19 | 4.449.956 | 4.833.408 |
Eigið fé samtals | 4.449.956 | 4.833.408 | |
Skammtímaskuldir | |||
Lánardrottnar | 9 | 1.279.448 | 1.603.977 |
Aðrar skammtímaskuldir | 613.295 | 500.284 | |
Skammtímaskuldir samtals | 1.892.743 | 2.104.261 | |
Eigið fé og skuldir samtals | 6.342.699 | 6.937.669 | |
Skuldbindingar | 20 |
Fjárhæðir eru í þúsundum króna
Sjóðstreymi árið 2017
Skýringar | 2017 | 2016 | |
---|---|---|---|
Rekstrarhreyfingar | |||
Hagnaður ársins | 1.366.548 | 1.629.426 | |
Rekstrarliðir sem ekki hafa áhrif á sjóðstreymi: | |||
Afskriftir | 15 | 208.226 | 221.741 |
Tap (söluhagnaður) af fastafjármunum | (4.480) | 1.105 | |
Veltufé frá rekstri | 1.570.294 | 1.852.272 | |
Breytingar á rekstrartengdum eignum og skuldum: | |||
Birgðir, (hækkun) | 112.180 | ( 506.065 ) | |
Skammtímakröfur, (hækkun) | (24.870) | (138.561) | |
Skammtímaskuldir, hækkun | (211.518) | 365.216 | |
(124.208) | (279.410) | ||
Handbært fé frá rekstri | 1.446.086 | 1.572.862 | |
Fjárfestingarhreyfingar | |||
Fasteignir | 15 | (30.681) | 0 |
Innréttingar og annar búnaður | 15 | (195.704) | (128.818) |
Bifreiðar | 15 | (57.740) | (32.557) |
Söluverð rekstrarfjármuna | 7.258 | 0 | |
Fjárfestingarhreyfingar | (276.867) | (161.375) | |
Fjármögnunarhreyfingar | |||
Arður til ríkissjóðs | 19 | (1.750.000) | (1.000.000) |
Fjármögnunarhreyfingar | (1.750.000) | (1.000.000) | |
Hækkun (lækkun) á handbæru fé | (580.781) | 411.487 | |
Handbært fé í ársbyrjun | 1.953.394 | 1.541.907 | |
Handbært fé í lok ársins | 1.372.613 | 1.953.394 | |
Fjárhæðir eru í þúsundum króna
Skýringar
Reikningsskilaaðferðir
Grundvöllur reikningsskila
- Ársreikningur ÁTVR er gerður í samræmi við lög nr. 3/2006 um ársreikninga og reglugerð nr. 696/1996 um framsetningu og innihald ársreikninga og samstæðureikninga.
Ársreikningurinn byggir á kostnaðarverðsreikningsskilum og er gerður eftir sömu reikningsskilaaðferðum og árið áður. Ársreikningurinn er gerður í íslenskum krónum.
Skattar - Ríkisstofnanir og ríkisfyrirtæki greiða almennt ekki tekjuskatta.
Erlendir gjaldmiðlar og innlendar vísitölur - Eignir í erlendum gjaldmiðlum eru umreiknaðar í íslenskar krónur á kaupgengi í árslok en skuldir eru umreiknaðar á sölugengi. Viðskipti í erlendum gjaldeyri á árinu eru umreiknuð í íslenskar krónur á viðskiptadegi. Gengismunur sem myndast er færður í rekstrarreikning.
Peningalegar eignir og skuldir sem bundnar eru verðtryggingu eru færðar miðað við vísitölur sem tóku gildi 1. janúar 2018. Breytingar sem myndast eru færðar í rekstrarreikning.
Rekstrarfjármunir - Varanlegir rekstrarfjármunir eru færðir til eignar á kostnaðarverði. Frá kostnaðarverði eru dregnar reiknaðar afskriftir.
Kostnaðarverð varanlegra rekstrarfjármuna samanstendur af kaupverði og öllum kostnaði við að koma eignunum á viðeigandi stað og í nothæft ástand.
Afskriftir eru reiknaðar sem fastur árlegur hundraðshluti af kostnaðarverði miðað við áætlaðan endingartíma og eignarhaldstíma.
Eignarhlutar í öðrum félögum
- Eignarhlutar í félögum eru færðir á nafnverði.
Birgðir - Birgðir samanstanda af endursöluvörum og rekstrarvörum. Birgðirnar eru metnar á síðasta innkaupsverði að teknu tilliti til gallaðra og úreltra vara.
Viðskiptakröfur - Greiðslukortakröfur eru færðar meðal viðskiptakrafna. Viðskiptakröfur eru færðar á kostnaðarverði.
Handbært fé - Handbært fé samanstendur af sjóði og bankainnstæðum.
Viðskiptaskuldir
- Viðskiptaskuldir eru færðar á kostnaðarverði.
Vörunotkun - Tóbaksgjald er innheimt við sölu tóbaks og er því skilað mánaðarlega til Tollstjóra. Tóbaksgjaldið er skilgreint sem hluti af kostnaðarverði seldra vara í bókhaldi ÁTVR. Alls námu greiðslur tóbaksgjalda 5.500 m.kr. á árinu 2017.
Sundurliðun vörunotkunar
2017 | 2016 | |
---|---|---|
Vörunotkun, áfengi | 21.372.311 | 20.110.049 |
Vörunotkun, tóbak | 7.669.426 | 7.905.918 |
Vörunotkun, umbúðir | 23.909 | 20.946 |
29.065.646 | 28.036.913 | |
Fjárhæðir eru í þúsundum króna
Starfsmannamál
- Laun og launatengd gjöld sundurliðast þannig:
2017 | 2016 | |
---|---|---|
Dagvinnulaun | 1.353.554 | 1.175.428 |
Yfirvinna | 575.659 | 534.803 |
Launatengd gjöld | 441.618 | 395.462 |
Viðbótarframlag til lífeyrissjóðs | 71.701 | 4.110 |
Áfallið reiknað orlof, breyting | 20.516 | 13.909 |
2.463.048 | 2.123.712 | |
Fjárhæðir eru í þúsundum króna
- Launagjöld hækka um 16% milli ára. Reiknuð ársverk á árinu 2017 voru 334 en ársverk reiknuð með sama hætti árið 2016 voru 312 sem er hækkun um 22 ársverk eða 7%. Hækkun launavístölu 2017 var 6,9%.
Laun og launatengd gjöld vegna forstjóra námu 19,7 m.kr. en voru 19,2 m.kr. árið á undan.
Áunnið orlof starfsmanna til desemberloka er reiknað og fært í ársreikninginn. Það nam 132,9 m.kr. í árslok 2017 en til samanburðar var það 112,4 m.kr. árið áður. - Skuldbindingar ÁTVR vegna eftirlauna núverandi og fyrrverandi starfsmanna voru gerðar upp á árinu 1999. Skuldbindingar sem falla til árlega eru gerðar upp við Lífeyrissjóð starfsmanna ríkisins jafnóðum. Samkvæmt uppgjöri LSR námu lífeyrisskuldbindingar B-deildar í árslok 2017 11,1 m.kr. Í lögum nr 127/2016 var gerð breyting um 5,85% aukaframlag til A-deildar lífeyrisjóðs starfsmanna ríkisins. Áætlaður hlutur ÁTVR á tímabilinu júní - des. 2017 er 60,6 m.kr.
Fjármunatekjur og fjármagnsgjöld - Sundurliðun fjármunatekna og (fjármagnsgjalda)
2017 | 2016 | |
---|---|---|
Vaxtatekjur | 131.884 | 140.693 |
Arðstekjur | 1.500 | 750 |
Þóknanir vegna debet- og kreditkorta | (78.005) | (103.292) |
Fjármagnstekjuskattur | (26.243) | (28.105) |
Vaxtagjöld | (1.054) | (1.026) |
28.082 | 9.020 | |
Fjárhæðir eru í þúsundum króna
Rekstrarfjármunir
- Varanlegir rekstrarfjármunir og afskriftir greinast þannig:
Bifreiðar | Fasteignir | Innréttingar og annar búnaður | Samtals | |
---|---|---|---|---|
Stofnverð 1.1.2017 | 275.100 | 1.235.723 | 1.201.734 | 2.712.557 |
Viðbót á árinu | 57.740 | 30.681 | 195.704 | 284.125 |
Selt og niðurlagt á árinu | (50.017) | 0 | (122.806) | (172.823) |
Stofnverð 31.12.2017 | 282.823 | 1.266.404 | 1.274.633 | 2.823.860 |
Afskrifað 1.1.2017 | 151.505 | 725.359 | 677.364 | 1.554.228 |
Afskrifað á árinu | 30.051 | 23.149 | 136.111 | 189.311 |
Selt og niðurlagt á árinu | (40.883) | (110.246) | (151.129) | |
Afskrifað 31.12.2017 | 140.674 | 748.508 | 703.229 | 1.592.410 |
Bókfært verð 31.12.2017 | 142.149 | 517.897 | 571.404 | 1.231.450 |
Afskriftarhlutföll | 12-15% | 2-4% | 12-20% |
Gjaldfærð afskrift ársins var 189,3 m.kr og niðurlagðar eignir voru 18,9 m.kr.
Fasteignamat og vátryggingamat eigna félagsins í árslok greinist þannig:
Bókfært verð | Fasteignamat | Brunabótamat | |
---|---|---|---|
Fasteignir og lóðir | 517.897 | 2.688.625 | 3.338.320 |
Fjárhæðir eru í þúsundum króna
Eignarhlutar í félögum
- Hlutabréf í Endurvinnslunni hf. eru færð á nafnverði 7.500 þús. kr. Á árinu 2017 greiddi félagið 1.500 þús. kr. í arð til ÁTVR.
Birgðir - Birgðir um áramót skiptast í áfengi, tóbak, umbúðir og rekstrarvörur:
2017 | 2016 | |
---|---|---|
Áfengi | 1.742.103 | 1.879.926 |
Tóbak | 218.853 | 202.705 |
Umbúðir | 17.552 | 17.450 |
Rekstrarvörubirgðir | 23.738 | 14.345 |
2.002.246 | 2.114.426 | |
Fjárhæðir eru í þúsundum króna
Viðskiptakröfur
- Viðskiptakröfur sundurliðast þannig:
2017 | 2016 | |
---|---|---|
Kröfur vegna greiðslukorta | 1.613.526 | 1.526.868 |
Aðrar viðskiptakröfur | 115.364 | 177.152 |
1.728.890 | 1.704.020 | |
Fjárhæðir eru í þúsundum króna
Eigið fé
- Yfirlit eiginfjárreikninga
Óráðstaðað eigið fé | |
---|---|
Eigið fé 1.1. | 4.833.408 |
Hagnaður skv. rekstrarreikningi | 1.366.548 |
Arður til ríkissjóðs | ( 1.750.000 ) |
Eigið fé 31.12 | 4.449.956 |
Fjárhæðir eru í þúsundum króna
Önnur mál
- Í tengslum við starfsemi ÁTVR voru 40 húsaleigusamningar í gildi í árslok 2017.
Kennitölur - Fimm ára yfirlit í milljónum króna
2017 | 2016 | 2015 | 2014 | 2013 | |
---|---|---|---|---|---|
Rekstur: | |||||
Rekstrartekjur | 34.276 | 33.058 | 29.395 | 28.645 | 27.401 |
Rekstrargjöld | (32.729) | (31.216) | (27.985) | (27.146) | (25.932) |
Rekstrarhagn. f. afskr. | 1.547 | 1.842 | 1.410 | 1.499 | 1.469 |
Afskriftir | (208) | (222) | (178) | (205) | (184) |
Rekstrarhagnaður | 1.339 | 1.620 | 1.232 | 1.295 | 1.285 |
Hreinar fjárm.tekjur | 28 | 9 | -11 | -7 | 18 |
Hagnaður ársins | 1.367 | 1.629 | 1.221 | 1.288 | 1.304 |
Efnahagur: | |||||
Fastafjármunir | 1.239 | 1.166 | 1.227 | 1.238 | 1.133 |
Veltufjármunir | 5.104 | 5.772 | 4.716 | 4.914 | 5.483 |
Eignir alls | 6.343 | 6.938 | 5.943 | 6.152 | 6.616 |
Eigið fé | 4.450 | 4.834 | 4.204 | 4.483 | 4.595 |
Skammtímaskuldir | 1.893 | 2.104 | 1.739 | 1.669 | 2.021 |
Eigið fé og skuldir alls | 6.343 | 6.938 | 5.943 | 6.152 | 6.616 |
Helstu kennitölur um afkomu og fjárhagsstöðu fyrirtækisins á síðustu fimm árum:
2017 | 2016 | 2015 | 2014 | 2013 | |
---|---|---|---|---|---|
Rek.hagn.f.afskr./Tekjur | 4,5% | 5,6% | 4,8% | 5,2% | 5,4% |
Veltufjárhlutfall | 2,70 | 2,74 | 2,71 | 2,94 | 2,71 |
Eiginfjárhlutfall | 70,2% | 69,7% | 70,7% | 72,9% | 69,5% |
Arðsemi eigin fjár | 28,2% | 38,8% | 27,2% | 28,0% | 29,0% |